في عالم الألعاب الرقمية، فيه نوع مميز بيشد عدد كبير من الجيمرز الشباب ، وهو ألعاب استراتيجية بناء الجيوش. النوع ده مش مجرد لعب وخلاص، ده بيعتمد على تخطيط دقيق، إدارة موارد، وتدريب جنود علشان تبني جيش قوي تقدر تسيطر بيه على أرض المعركة.وده بيسبب لهم متعة كبيرة جدًا.وكمان بيساعهم في تنمية قدراتهم الذهنية.فلو أنت حابب تكون واحد منهم ،فالمقالة ديه معمولة علشانك!هنتكلم فيها عن ايه هي الالعاب الاستراتيجية ببساطة،مميزاتها،ازاي تقدر تبني جيش قوي،وكمان هعرفك الفرق بين الالعاب الاستراتيجية (RTS) و (TBS).
يعني ايه العاب استراتيجية؟ وايه اللي يميزها عن الألعاب العادية؟
في عالم ألعاب استراتيجية بناء الجيوش، لازم نعرف الأول ايه هي الالعاب الاستراتيجية،و إيه اللي بيميز النوع ده من الألعاب عن غيره.
-الألعاب الاستراتيجية :هي نوع من الألعاب اللي بيعتمد بشكل أساسي على التخطيط، واتخاذ القرارات الصح، مش على الحظ. يعني اللاعب اللي بيفكر أكتر، و كل قرار بتاخده زي بناء القواعد، أو إدارة الموارد، أو تدريب الجنود، هو اللي بيحدد مصيرك.
-مميزات الألعاب الاستراتيجية
● كل قرار بيكون ليه تأثير:سواء قررت تبني، تهاجم، تجمع موارد، أو تدخل تحالف لان في الاخر كل قرار بياخدك خطوة أقرب للفوز أو الخسارة.
● لازم يكون عندك خطة: لأن اللعب مش بس لحظة، ده محتاج نظرة طويلة المدى، وتعرف إزاي توصل لهدفك خطوة خطوة.
● فيه أكتر من طريقة تفوز بيها:ممكن تعتمد على الموارد، أو القوة، أو التحالفات، أو حتى إنك تعطل غيرك يعني الذكاء هو الأساس.
● اللعبة بتختلف كل مرة:مفيش ملل، لأن كل جيم ليه تفاصيله، وقراراتك دايما بتغير شكل اللعب بالكامل.
● أنت المتحكم في زمام الأمور في اللعبة :مفيش حاجة بالحظ كل حاجة بتحصل بسببك، وعلشان كده لازم تكون مركز دايما.
ايه الفرق بين الالعاب الاستراتيجية (RTS) و (TBS)؟
قبل ما تبدأ في أي لعبة من ألعاب استراتيجية بناء الجيوش، لازم تفهم الفرق بين نوعين مهمين من الالعاب فيها: استراتيجية الوقت الحقيقي(RTC )استراتيجية تناوب الأدوار (TBS)، لأن كل واحد ليه طريقة لعب واستراتيجية مختلفة تمامًا.
1-الألعاب استراتيجية الوقت الحقيقي(Real Time Strategy)
● اللعب كله بيحصل في نفس اللحظة، مفيش دور بييجي بعد دور، كل اللاعبين بيتصرفوا في نفس الوقت.
● محتاجة سرعة بديهة وتركيز عالي، علشان تقدر تدير أكتر من حاجة زي إدارة الموارد، وتحريك تشكيلات عسكرية، والهجوم والدفاع في نفس الوقت.
● لازم تكون مركز كويس وتعرف تدير كذا حاجة في نفس الوقت (زي الموارد، والجيش، والهجوم والدفاع).
● فيها توتر وحماس، ومناسبة جدا للناس اللي بتحب الأكشن والمعارك التكتيكية السريعة.
● بتحتاج وقت علشان تتعلمها، لأن فيها تفاصيل كتير وكل حاجة بتحصل بسرعة.
● محتاجة يكون الجيمرز عندهم روح تنافسية عالية جدًا.
2-العاب استراتيجية تناوب الأدوار(Turn Based Strategy)
● كل لاعب ليه دور، وبيتحرك لما ييجي دوره، يعني اللعب بيكون أهدى وفيه وقت تفكر.
● مناسبة للاعبين اللي بتحب التخطيط والقرارات المدروسة أكتر من السرعة.
● بتخليك تبني خطة طويلة المدى، وتركز على معارك تكتيكية توسيع الإمبراطورية خطوة بخطوة.
● مناسبة للمبتدئين في اللعبة، لإنك مش بتكون مضغوط وبتتصرف بهدوء.
● كمان بتساعدك تطور مهارات التفكير والتحليل أكتر في ألعاب استراتيجية بناء الجيوش.
● اللعب فيها بيكون أبطأ بس فيه عمق وتحليل للمواقف وأبطال الجيش.
قدامك 11 نصيحة علشان تبني جيش لايُقهر في الالعاب الاستراتيجية مثل لعبة Rise of Kingdoms؟
لو نفسك تسيطر على أرض المعركة في أي لعبة من ألعاب استراتيجية بناء الجيوش، فلازم تبني جيش قوي ومتوازن يقدر يهاجم ويدافع صح ، علشان كده لازم تتبع النصايح الجاية:
1- اختار نوع الاستراتيجية الصح
سواء كانت استراتيجية الوقت الحقيقي (RTS) أو تناوب الأدوار (Turn Based Strategy) أو حتى استراتيجية كبرى (Grand Strategy)، لازم تفهم طبيعة اللعب علشان تحدد تحركاتك بدقة.
2-كون جيش متوازن
يكون فيه تشكيلات عسكرية حروب ملحمية متنوعة علشان تقدر تهاجم من كل الجهات وتصد الهجمات صح .
3- درب جنودك وطورهم
قبل كل معركة، اهتم بـتدريب الجنود وترقية الوحدات تكنولوجيا عسكرية باستمرار. وزودهم بافضل الأسلحة والدروع أو حتى علمهم مهارات جديدة في القتال.
4- ابحث وطور التكنولوجيا العسكرية
ركز على بحث وتطوير قادة وكل حاجة تخص ترقية الوحدات تكنولوجيا عسكرية، خصوصًا اللي بتزود قوة الهجوم أو الدفاع .
5-اختار قادة كويسين
علشان القائد الصح دايما بيعمل فرق كبير، خصوصًا لو عنده مميزات قوية زي الهجوم القوي أو الدفاع العالي. وفي بعض الألعاب ممكن تستخدم أبطال أو شخصيات نادرة ليهم قدرات خاصة في المعركة.
6- سيطر على الموارد كويس
إدارة الموارد بذكاء لان بدون موارد مش هتعرف تبني أو تدرب أو تطور أي حاجة.
7- أبني قواعد قوية
ركز على بناء القواعد وتحصينها،علشان تبقى جاهز لأي غزو مفاجئ في العاب استراتيجية بناء الجيوش.
8- اختار الوقت الصح للهجوم أو الدفاع
مش كل معركة لازم تبدأها، ولا كل دفاع لازم يتمسك بيه. التوقيت هنا بيفرق جدًا، وده جزء من الاستراتيجية الذكية.
9- اللعب الجماعي و الفردي
لو بتحب التحديات الكبيرة، جرب غزو الأراضي اللعب الجماعي، ولو بتحب التخطيط براحتك، اختار اللعب الفردي.
10-اختار المنصة اللي تريحك
لان اللعبة ممكن تكون على موبايل (Android أو iOS)، أوعلى بلايستيشن، أو إكس بوكس، الأهم إنك تكون مرتاح ومستمتع باللعب .
11- استمتع بالجرافيكس حسب ذوقك
سواء بتحب رسومات واقعية ، أو بتفضل الخيال العلمي ،أو الألعاب التاريخية، اختار اللعبة اللي تناسب ذوقك.
في النهاية، ألعاب استراتيجية بناء الجيوش مش بس وسيلة للترفيه، دي تجربة بتعلمك التخطيط واتخاذ القرارات سواء كنت بتلعب بشكل فردي أو جماعي، كل ما تتعمق أكتر، هتحس بفرق في طريقتك سواء في اللعبة أو حتى في تفكيرك.المهم إنك تعرف تتحكم في الموارد، تدرب جيشك، وتحط خطة محكمة علشان في الاخر تكون جيش لايُقهر.
